السلام عليكم ورحمة الله وبركاته ..
منقووله رائعه من اروع ماسمعت ..
للشاعر محمد عويضه ..
تحكي عن طفولته ومرضه ..
اتمنى ان تعجبكم : )
الطفوله احلى مافيها الحياة
مرحله من غير ( هـــم)
كنا دايم نبــــتسم
كنا حتى لو بكينا وضاقت الدنيا علينا
بعد لحضات وثواني بسمه فينا ترتسم
كنا نركض خلف كوره
لا .. لا انا ماكنت معـــــــهم
كنت وحدي بعيييييد عنهم
كنت اضحك من ضحكهم
جالس لحالي واهذري
جالس احسب كم كبري صلحه( أحمد ) في (ماجد)
والله واااااااجد
وقبل يحل الظلام
للبيوت نروح نجري
لا .. لا انا ماكنت معهم
كنت امشي بعيد عنهم
وهم عني يبعدون
يبعدووون يبعدووون
إلا ماجد ..
كان مثلي حيييييل ضايق
بس حزني كان حارق
كان يسألني ببراءه ..
ليش تعرج ؟؟
قلت : مدري با ستيـــــاء
ليش تبكي ؟؟
قلت: ماابكي بكبرياء
وضاق مني
ثم سألني في غباء
( وث رايك تثابق) <<< وش رايك تسابق
وراح عني
كنت اسأل دوم نفسي
ليه مااركض معاهم
ليه دوووم امشي وراهم
وش بلاي .. أو وش بلاهم ؟؟
ليه انا غير الانام ؟؟
زاحمتني الاسئله
كل شي اجهله
وان تعبت من الاجابه
احضن الحيــــــــره وانـــــــــــام
مرت سنين وكبرت
صار همي اليوم اكبر
حتى دمعي صار اكثر
للأسف توي قدرت
افهم اني شخص عاجز
يعني .. بيني وبينكم مليوووون حاجز
صدقوني
هذي حقيقه
لاطلعت للسوق
كل ماامشي دقيقه
القى كل شوي ابله ..
يمشي ويناظر صديقه
ويغمز له يقووول : ناااظر
وش يناااااااظر ؟؟؟
وتتفجر في خفوقي الف ضيقه
ووحده بوسط الزحام
طالعتني بأهتمام
بنت في عمر الزهور
اي رشاقه واي اناقه
واي عطوووور
قلت في نفسي ياااهووووه هي تناظرني بغرام او هي نظره .. والسلام
بس اكيد انها تعرفني
شايفتني في جريده
واعجبتها لي قصيده
ايه انا توني افتكرت
لي قصيده كنت ناشر معها صوره
بس صوووره ياااسلام
قاطعتني لما صارت لي قريبه
قامت تتمتم بطيبه
يكسر الخاطر .. حراااااااام
وتركت دمعه غريبه وضاعت بوسط الزحام
دمعه
كانت تحكي وضعي
زلزلتني
ارتطم قلبي بضلعي
دمرتني
صدقوني اصعب اللحضات واقسى
لاغدا الرجال يكسر خاطر انثى
كيييييف ينسى ..؟؟
جااوبوني
وزاد همي
لمل فكرت بوظيفه ثم زواج
اي وظيفه واي زواج
اللي مثلي مهما طالب
لو يلف ولو يدووور
زين لو حطووه كاتب
لا وعلى بند الاجور
ماهو رسمي
صدقوني لو تدرج
وصار راتبه يتصاعد
وابتدى وضعه يزين
مااضنه بيتزوج
إلا من بعد التقاعد
من سنه لسنتين
وفي النهايه ؟؟
في النهايه يابلدنا مهما كانت تسميتنا
عاجزين .. معوووقين
لك عهدنا وهذا قسمنا
اقسم بالله العظيم
منزل الذكر الحكيم
انا اصونك يابلادي من شرور العابثين
من نوايا كل فاسد
من مطامع كل حاسد
اني لك حصن حصين
انتي ناديني وشوفي
لانويتي بالجهاد
والله اقهر لك ضروفي
دامك انتي لي بلاد
بأسم كل العاجزين ....
دام فينا عرق يطول الزناد
لايهمك يابلادي
وازهلـــــيها
موضوع: طفولة معاق .. من اجمل ماسمعت .. 
الثلاثاء أغسطس 21, 2007 1:50 am